31屆香港書展將會喺715日開鑼,門票亦喺今日開始,喺在全線7-11便利店、Circle K便利店及快達票發售。

今日貿發局舉行記者會,公布書展嘅詳情。今年撞正新冠肺炎疫情,雖然最終都能如期舉行,但貿發局都按排咗好多措施,首先,主辦單位規定所有場人士必須佩戴口罩、設置體溫檢測站等,場內多個位置會提供酒精搓手液,及免費向每位入場人士派發免洗搓手液,派完即止。

分散人流,今年書展除提供「上午進場票」優惠外,亦首次增設「晚間進場票」優惠,入場只需$10,另外,又會調整「免費再進場特別優惠」,以正價(即成人25港元、小童10港元購買首兩日書展門票人士,可憑票尾2個時段晚上7時後,包括1719日期間任選一日,同埋20日各入場一次,變相一票可進場最多3次。

由於香港正面對疫境兼逆境,今年書書會以「心靈勵志」作為年度主題,其中「文藝廊」展出「從心『書』法」的專題展覽,介紹幾位心靈勵志作家同精選書目,包括阿濃、鄭國江、李焯芬、陳美齡、陳塵等一系列書法作品、填詞手稿等,希望「洗滌」港人心靈

另外,文藝廊仲會設有「我們的快樂回憶—兒童樂園」,又會同李小龍會合作設置「不巧巨龍:李小龍傳奇80載」展區,前者展出唔同年代嘅《兒童樂園》,後者就展出收藏家借出有關李小龍嘅珍藏。

相片:LOOOP.HK


今年書書會以「心靈勵志」作為年度主題,介紹幾位心靈勵志作家,包括阿濃、鄭國江、李焯芬、陳美齡、陳塵等。

大家可以喺文藝廊睇到著名填詞人鄭國江嘅手稿。

亦可以睇到著名作家阿儂嘅作品同手稿。

《兒童樂園》係好多香港人嘅集體回憶。

喺文藝廊嘅展覽,仲可以欣賞到李小龍嘅珍藏。


鄭國江(中)同陳塵(右)亦有出席記者會,分享佢哋嘅創作經驗。