同事應該係我哋除咗屋企人之外見得最長時間嘅人,如果返工時間長兼OT真係分分鐘見同事多過屋企人。所以同同事關係好唔好,真係好影響返工嘅心情。點樣知道同事係咪唔妥你,可以由以下6個跡象睇得出!

1.一見到你就黑面

明明前一秒仲同隔離同事有講有笑,下一秒你出現喺佢視線範圍就即刻黑面,仲要唔止一次,次次都係咁就肯定對你有啲不滿。

2.零眼神接觸

心理學家指出當人討厭或者唔尊重一個人嘅時候,就唔會同呢個人有眼神接觸。如果你發現有同事每次同你講嘢嗰陣都唔望你,好可能係討厭你嘅跡象。

3.當你透明

返工放工同事之間互相打招呼係禮貌,亦好常見,如果你自問自己唔係一個自閉嘅人,但同事就係唔會同你交流,連招呼都唔打,更加唔會邀請你去同事聚會,見到你直情當你透明咁,咁就好有可能係同事用行動表達佢討厭你嘅信息。

仲有邊3個跡象?記得留意下集喇~

圖:網上圖片