踏入6月,除咗熱之外,就係落雨,但大家知唔知道,19636月發生咩事?原來當年6月,香港開始實行每4天供水4小時,相信今天習慣豐盛生活嘅港人好難想像。長春社文化古蹟資源中心近期便舉行名為「水展」嘅展覽,希望大眾明白珍惜食水嘅重要!

展覽除咗會回溯香港嘅食水到底從何而來,訴說河水、井水、自來水前世今生,亦會講述香港供水嘅歷史演變,由最先嘅薄扶林水塘,逐漸發展今日17個水塘,而其他睇落好簡單嘅環節,例如水錶,亦已經歷過多次改變。

近年多得東江水,香港人唔使「睇天做人」,但喺以前,雨量多寡會決定我哋夠唔夠水用!展覽就會帶大家回到當年四日供水四小時嘅日子,睇睇當年嘅人嘅苦況,最後仲會同大家介紹一下,香港政府曾經諗過用咩方法去增加食水供應,包括人造雨、海水化淡,甚至試過用船運水返嚟!

長春社文化古蹟資源中心嘅助理項目經理劉天佑表示:「香港人均用水量比全世界高20%,因為水管滲漏率好高,每年流失嘅食水比水塘收集嘅水仲要多。」他表示,依家香港依賴東江水,但廣東省發展迅速,供水始終有上限,所以大家都要諗諗點樣減少浪費食水。


水展

展期:即日711

開放時間:星期二至日 10am-1pm2pm-6pm

(星期六、日及公眾假期只限已預約人士參觀)

預約:http://cache.org.hk/blog/?p=12794

地點:西營盤西邊街36A後座 長春社文化古蹟資源中心


相片來源:LOOOP.HK

香港開埠初期用河水同井水,後來人口增加,政府先知道要搞好供水系統。


由舊(右起)至新,不同時期嘅水錶,原來以前嘅水錶係喺天台。

4日供水4小時,相信今日好多年輕人都未必經歷過!


制水期間,有啲人要返工無時間,就唯有買水,而賣人嘅人就用擔挑嚟抬水。

以前用嚟裝水嘅鐵罐。


政府仲曾推出水卷,唔同顏色代表唔同容量。

劉天佑表示,東江水供水始終有上限,所以大家都要諗諗點樣減少浪費食水。