621日星期日,除咗係父親節同埋夏至之外,原來仲有一個天文現象出現,就係日偏食!到時日食帶橫跨亞洲非洲,部分地區可以睇到日環食,不過喺本港只能睇到日偏食。

下次香港睇到日食 要到2023

根據坐井會秘書凌子敬表示,日食其實並不罕見,喺21世紀已經出現過224次日食,平均每年有兩至三次,不過今次喺香港都可以睇到日食,假如錯過咗,就要等到2023年,所以值得期待!而且今次食分達到0.89(即太陽有89%嘅面積受月球阻擋),上次食分較大嘅日食,已經係2012年嘅事,而下次喺香港睇到咁大食分嘅日食,就要到2070年啦!

凌先生表示,今次日食,初虧喺621日下午237分開始,食甚(即月球圓面中心和太陽圓面中心最接近時)時間為下午408,而復圓為下午524分,集中喺下午時段,太陽開始落山,假如天氣許可,大部分面向西方且沒有障礙物地點,都係觀賞日食嘅理想位置。


今次日食嘅食分達到0.89,即太陽有89%嘅面積受月球阻擋。

靠樹影睇日食

日食嘅時候雖然太陽部分被遮,但陽光仍然猛烈,直太陽有機會導致眼睛永久受傷,凌先生仲話:「一般太陽眼鏡都唔可以將陽光減至安全水平,以前有人會用黑水睇日食,其實一樣唔安全,因為太陽光好強,即使反射都會令眼睛受傷。」

凌先生表示,睇日食最簡單嘅方法係睇樹影,葉子之間嘅縫隙就等如針孔相機嘅小孔,大家會睇到,本來圓形光點,日食就變成半月形啦。此外,亦可以準備一張白紙,拮個小孔,將白紙放喺太陽之下,透過小孔照射到地上,就可以透過地下嘅影嚟睇日食。此外,亦可以購買太陽濾光片,可以將陽光減至十萬分之一,咁就可以睇得更安全啦。

如果想拍攝日食,將觀測日食用太陽濾光片放喺鏡頭前,另外,有啲天文活動會設有睇日出嘅望遠鏡,大家就可以將相機透過望遠鏡嚟拍攝。


凌先生教大家,可以靠樹影嚟睇日食。


使用濾光片,就可以將陽光減至十萬分之一。


採用配有專用減光設備嘅天文望遠鏡,就可以安全咁觀賞日偏食。

坐井會辦觀測活動

喺日食當天,坐井會會喺荔枝角公園舉辦日偏食觀測活動,架設配有專用減光設備嘅天文望遠鏡,讓大家好安全咁觀賞呢次日偏食,並有多名坐井會嘅資深幹事講解各種有關日食及天文嘅知識,時間為621日下午230分至下午530分,費用全免。

足不出就觀賞到日食?香港太空館特別喺天台設置望遠鏡,到時會喺YouTubeInstagramFacebook網上直播以不同儀器觀測日偏食過程。除此之外,太空館更會到西貢天文公園,嘗試以中國古天文儀器紀錄日食過程。


日偏食詳情

日期:621

時間:2:37pm5:24pm

初虧:2:37pm

食其:4:08pm

復圓:5:24pm

相片來源:坐井會、FB@香港太空館、FB@香港天文台


香港太空館會喺6月21日早上向每位進館人士派發一塊太陽濾光片。


香港太空館特別喺天台設置望遠鏡。


天文台亦會喺facebook直播日食過程。