有香港「重劍一姐」之稱嘅劍擊運動員江旻憓,早前響應「世界海洋日」先後去烏溪沙同大浪灣清潔泳灘。雖然因為疫情關係,今年嘅東京奧運要延期一年舉行,各項比賽、訓練亦都紛紛取消、減少,但江旻憓依然堅持喺屋企做體能訓練,亦希望喺呢段期間以運動員嘅身份做得更多,傳播更多正面訊息。

江旻憓趁住疫情、在家抗疫期間喺屋企研究烹調素食,更不時做瑜、跳舞令腳傷盡快康復。除此之外,江旻憓亦有做義工,例如幫下小朋友同去海灘執垃圾。佢話其中一個回饋社會嘅方法,就係身體力行實踐環保概念,例如茹素、少用即棄膠製品、自備水樽、盡量選購用環保物料製造嘅衣物等。

圖:FB@Vivian Kong江旻憓