唔少僱主請人嘅時候都比較偏向請有經驗嘅求職者,不過一旦求職者有返咁上下年紀,僱主又會偏向請年輕一啲嘅,貪佢哋學嘢快、有創意。所以當一個人年紀大咗,突然間失業,搵工嘅困難就更大。不過,一位美國嘅職業教練Wendy Marx就認為高齡人士求職最緊要有自己故事,「你的故事就是你的路線圖,幫你定義身份和未來發展」。

年紀較大嘅求職者工作經驗亦較豐富,好多時呢啲工作經驗並唔限於同一個工種,反而可以試下其他相關行業。而既然求職者經驗豐富,就應該可以喺自我介紹中表現出自己講故事嘅能力,美國石溪大學(Stony Brook University)新聞學院嘅客席教授兼社交媒體專家Sree Sreenivasan曾話過:「如果求職者不能講自己的故事,HR/僱主又怎麼相信你可以分享公司的故事?」員工好多時代表住公司,表現得體,有良好嘅表達能力,一定係加分位。

圖:網上圖片