雖然近排疫情稍緩,但抗疫仲未完,市民仲需要繼續購買口罩、酒精搓手液等抗疫物資,好多基層嘅生活因此而百上加斤。深水埗明哥喺抗疫期間除咗依然派飯之外,亦有派防疫物資。由明哥創辦嘅「北河同行」尋晚喺社交媒體發帖指,過去百幾日收到各方善心人士捐贈超過28萬個口罩、11萬支搓手液、飯票等抗疫物資,呢批物資將派發俾全港18區有需要嘅人士。

北河同行有感呢幾個月來疫情蔓延,抗疫物資匱乏,一罩難求,連一枝酒精搓手液動輒要幾十蚊,而基層同長者戴住極度耗損口罩嘅畫面仍印象深刻。好彩多得一班來自四面八方嘅善心人士,紛紛捐出口罩、搓手液、飯票、善捐款等物資。北河同行將會積極聯絡各區合作伙伴同團體,由熟悉當區嘅義工同機構分配俾香港18區有需要人士嘅手上,等佢哋可以用嚟應急。

圖:FB@北河同行