除咗海洋公園聽日重開之外,商務及經濟發展局局長邱騰華早前亦都宣布今年書展將於7月15日至21日如期舉行。

主辦書展嘅香港貿易發展局表示,屆時會有一系列嘅防疫措施,包括要求入場人士佩戴口罩,提供消毒用品及設施,亦會時刻確保會場環境衞生。書展期間,貿發局會喺各層安排健康大使,提供酒精搓手液,並提醒無戴口罩嘅人士戴返口罩。貿發局會同衞生防護中心密切合作,並提供獨立房間俾不適嘅人士使用,亦會有醫護長註。排隊入場方面,市民亦需要以單行同埋保持一段距離咁排隊,建議市民可以喺早上等人流較少嘅時候入場。

另一方面為咗支援參展商,政府早前就已經喺「防疫抗疫基金」下預留4,000萬元,資助參展商參展費,每個展位可獲1萬元資助,每個參展商獲資助上限係10萬元。

原圖:RTHK