喺宜家呢個時勢搵工,有面試機會已經好好,竟然有人想取消面試唔去見工?其實取消面試喺職場上係好平常嘅事,HR反而係想求職者主動通知佢哋,而唔係到咗約定時間唔見人又無交帶。咁點樣取消面試先得體?

1. 身體不適

無人想喺身體唔舒服嘅時候去面試影響表現,如果面試當日唔舒服想改期,呢個會係好合理嘅理由。不過,如果你係想推咗個面試,就真係唔好用呢個理由喇!

2. 突發情況

意外嘅嘢好難預料,如果咁啱你屋企出現咗啲緊急狀況,影響到你嘅時間安排甚至係情緒,需要取消面試或改期,都係人之常情。當然,最好唔好講大話,或者用太誇張嘅理由,畢竟呢個世界好細,到時被人識穿、撞破就唔好。

3. 收到另一個Offer

如果你喺面試前已經收到另一個Offer,提早通知HR取消係一個有交帶、負責任嘅表現。亦都唔使覺得尷尬或難開口,因為呢種情況好常見,亦可以慳返雙方嘅時間。

圖:網上圖片