最近澳洲昆士蘭政府發布咗一段短片,見到數以萬計隻綠海龜由澳洲大堡礁游向澳洲北部嘅雷恩島 (Raine Island)產卵,場面非常狀觀。

呢段影像係喺去年12月拍攝,當時正值綠海龜嘅繁殖季節,昆士蘭政府環境科學署當時正用唔同嘅方法調查海龜嘅數量,研究人員先用可溶性塗料塗落海龜身上,以便喺海洋追蹤佢哋,當時研究人員點數都有2萬3千隻海龜。後來研究人員用無人機拍攝,發現海龜數目原來至少有6萬4千隻,數量相差超過一倍。

環境科學署嘅鄧斯坦博士(Dr. Andrew Dunstan)表示,喺惡劣天氣下,要用一隻船去點算幾千隻有塗料同無塗料嘅海龜係有一定困難,使用無人機嘅話就更簡單、安全同精確,佢坦承自己太低估海龜嘅數量,研究團隊日後亦可以調整以往嘅估算,希望日後可以利用人工智能從影像推算龜群數量。

有關影片:https://youtu.be/ovo6EcGmWjs

原圖:YouTube@Great Barrier Reef Foundation