自從新冠疫情爆發,好多人都鍾意走進大自然,既可遠離人群,又能吸收一下新鮮空氣,不過天氣咁熱,難度太高恐怕未必人人頂得住!FB專頁「行山達人」嘅版主就推介一條輕鬆易行嘅路線,仲可以添,大家係咪心郁郁呢?

「行山達人」版主推介嘅呢條路線,係由西貢獅子會自然教育中心開始,跟住有兩條路線,一條去三星灣,另外一條去白馬咀,通常先去白馬咀,最後行回頭路,三星灣坐船走。「呢條路線最靚望到白沙灣,如果天氣太熱,可以去三星灣玩埋,成條路線好適合夏天行。

原來三星灣一個隱世沙灘,因為並無車可以直達,要坐街渡前往,所以泳客相對較少,加上三星灣水清見底、沙質幼細,成為一個清幽恬靜游水天堂。最重要係三星灣設備都好完善,淋浴、更衣室、小食亭、燒烤爐應有盡有,係假日享受陽光海灘唔錯嘅選擇

「行山達人」版主提醒大家,由白馬咀行落去有少少山路同埋有啲不過個位非常之靚,值得好好欣賞。最後佢仲提提大家,夏天記住準備多啲水,如果唔係好易中暑,同埋自己垃圾自己帶走呀!


路線:西貢北港獅子會自然教育中心 - 蕉坑自然教育徑 - 白馬咀 - 三星灣(搭船)返白沙灣

路程:8公里

需時:4小時

星級:2.5星(部分路面是天然山徑,落白馬咀路程陡峭)

起點:鑽石山站搭92號到北港下車

終點:在三星灣乘搭街渡離開

相片來源:FB@行山達人


由西貢北港獅子會自然教育中心出發,經過蕉坑自然教育徑,之後有條分义路,左邊去麻南笏,右邊去三星灣。


由白馬咀行落去會有少少山路同有啲斜,不過呢個位非常之靚。

呢條路線最靚就係望返白沙灣。


天氣咁熱,大家可以去埋三星灣玩水。