以往一向予人市井味嘅深水埗,近年多咗幾分文青味,一方面因為電影《一代宗師》令深水埗型晒,而片中嘅梁朝偉同章子怡漫步嘅大南街,近年亦刮起一股文藝風。呢道本係製衣配件批發地,依家成為愛「皮」人士集中地,亦可能係全港賣皮最集中地方,近期又相繼有咖啡店、藝廊、手作店進駐,令大南街變得更多元化耐無逛深水埗嘅朋友係時候嚟呢度感受文青味啦!


大南街 興與衰

首先,大家要認識一下大南街,呢條街貫穿太子深水埗,由南昌街轉個彎就到!上世紀6070年代,香港製造業發展一日千里,大南街主要集中售賣鈕扣、拉鏈等製衣配件,非常興旺後嚟香港工廠北移,大南街好多批發商淘汰,少舖位丟空。


 大南街其實好短,但一條短短嘅街,每間舖都唔同,各有個性。

呢度曾經係皮革批發嘅集中地。

傳統皮革店 轉型搵出路

屹立大南街72「聯昌皮號」,外牆伸出半空舊式招牌寫「聯昌皮革鞋料」6個紅色大字,加上風雨廊嘅石柱,喺街上十分突出,聯昌以往係從外國入口皮革,再轉售俾廠商生產皮袋等產品,不過隨住社會轉變,聯昌亦明白唔可能再固步自封!

阿榮喺呢度任職兩年,就係主力改革同轉型,佢話:「聯昌負責人Tommy已經係第三代,兩年前接手,佢好放手去進行改革。」然後佢慢慢講述大南街同香港工業嘅變遷:「香港皮革業早喺90年代已開始慢慢沒落,廠商先係北上,然後再到越南或中國內陸地區,皮革需求開始減少,店舖亦唯有轉型。」

經過改革之後,「聯昌」煥然一新,閣樓成皮革工房,仲有陳列室,舊有元素保留落嚟無論地磚、樓梯同欄杆仍然滿歷史痕

Tommy同阿榮都明白,皮革銷售夕陽行業,唔可以單靠批發生意,改革之後,佢哋徹底加入新服務,包括開班教學,亦售賣及訂製各類皮製品,最近佢哋就主力產皮革圍裙,阿榮解釋:「因為皮銀包、袋等競爭太大,所以決定生產圍裙,一來自己有皮革,又舖租問題,成本較低,比外國的圍裙平得多。近期佢哋計劃多多,例如一位年輕人合作,聯昌出皮,年輕人出手工,合作推出皮革熊仔。

不過,阿榮都坦言,香港製造業無得做:「香港只可以做設計,已經無製造業,因為工業模式,無論人工同地租等都不適合香港,呢度假如不是自己物業,可能都好難繼續。」

對於大南街近年嘅改變,阿榮就樂觀其成:「因為合舍嘅出現,徹底改變咗大南街,佢哋堅持3年,引咗唔同嘅人嚟大南街!而且由於舖租下降,所以越嚟越多年輕皮革舖,至今仲有幾間堅持落嚟,佢哋亦的確做到目標客。近期更加多元化,有黑膠、陶瓷、咖啡店、盆裁、沖菲林等等,帶旺呢一區嘅文化!呢度唔似大館或PMQ等,貼地同生活化得多。」

訪問結束前,阿榮不忘提醒我,介紹一下旁邊的陶瓷店,佢話:「佢哋好慘,農曆新年開張撞正疫情。」如此為街坊著想,呢樣就係大南街最令人窩心嘅一面。

 

「聯昌皮號」嘅舊式招牌,同埋風雨廊石柱上喺大字,喺街上都十分突出。


經過改革之後,「聯昌」嘅裝潢煥然一新。


近期聯昌仲同一位年輕人合作,聯昌出皮,年輕人出手工,合作推出皮革熊仔。


近期口罩已變成生活必需品,佢哋亦推出皮製口罩。


閣樓變成皮革工房,仲有陳列室。


阿榮喺聯昌任職兩年,就係主力改革同轉型。

新式皮革店 強調個性

聯昌隔幾個舖位,有另一間裝潢甚有味道皮革店,就係阿里皮藝。店主Alvin本喺觀塘工廈教授皮革手作班,當時少學員都同佢反映,喺香港難買到小量皮革材料,於是佢喺2014決定開舖售賣皮革兼教班,佢選擇大南街嘅原因好簡單,就係「歷史」,Alvin表示:「以前大南街就做皮革材料嘅批發,讀設計嘅都鍾意嚟呢度搵料,而且我覺得深水埗區好特別,呢度乜都有,但每個Area分得好清楚,基隆街賣布、汝州街賣珠子,而大南街主要就係賣皮。」就係咁樣阿里成為第一批進駐大南街皮藝用品零售店。

由於皮革批發已經式微,好多老舖都陸續結業,阿里進駐大南街初期,成條街好靜不過,佢哋開咗兩個月,開始有其他皮革店進駐,令大南街漸漸變得熱鬧,後嚟更有咖啡店、黑膠唱片等等,成條街變得年輕化、多元化。

Alvin眼中,大南街的確好有個性:「首先,大南街好短,主要係南昌街到聯昌呢段路,但一條短短嘅街,每間舖都唔同,而且全部係小店,並非連鎖店,比較有個性。」小店多,可能同租金較便宜有關,Alvin解釋:「假如喺旺角,分分鐘要十幾萬,呢度租金平好多,加上我哋做熟客為主,人流唔使咁多。」

不過,香港人比較貪新鮮,皮革班只係興盛咗兩三年,依家開班只佔阿里生意嘅10%,主力反而係DIY材料包,裡面有齊需要嘅材料說明書,原理就好似砌模型咁簡單,小至卡片盒,大至背囊都有不斷求變,不斷轉型,或者呢個就係大南街嘅寫照,甚至係香港嘅寫照。

阿里皮藝喺2014年進駐大南街。

入口處放咗部衣車,又有好多布料,裝潢好有味道。

店內有多種大幅的意大利皮革、染料、邊油、甚至大型一點的工業用壓皮機和削邊器等等。

阿里成為第一批進駐大南街嘅皮藝用品零售店。

阿里主力係DIY材料包,裡面有齊需要嘅材料同說明書,原理就好似砌模型咁簡單,圖中呢款就係眼鏡盒。


Alvin原本喺觀塘工廈教授皮革手作班,2014年決定喺大南街開舖售賣皮革兼教班。

除咗皮革店,近年大南街仲有好多唔同嘅店舖進駐,令呢度變得多元化!