宜家市道唔好,一個post往往幾千人同你爭,為咗慳返面試時間,唔少公司都會用Group Interview形式嚟篩選出合適嘅人。究竟點做先可以喺一組人入面突圍而出呢?講多啲嘢爭取表現機會?原來發言幾多次都唔係重點,重點係要識揀問題嚟答。

喺小組面試裏面,想搵出最優秀嗰個,最快捷嘅方法係先問一條簡單嘅問題,再問一條複雜嘅問題。簡單嘅問題,用意係先測試大家嘅基本性格,例如邊個答得最快、邊個把聲最響亮、邊個無答問題等。HR專家Shailesh Panthee認為,嗰啲急不及待、大聲講出答案嘅人,非常渴望表現自己,以至於忘記思考答案嘅價值。簡單問題無助表現出自己嘅真正實力,好難突圍而出,所以真正聰明嘅人就會答需要做分析同判斷嘅複雜問題。有技巧地發言,剩係答對自己有利、突出自己嘅問題,遠比發言次數重要得多。

另外,首先發言嘅人都唔係最矚目,識得喺最後做總結更加可以表現到自己,爭取留個好印象俾面試官,成功嘅機會自然大增。

圖:網上圖片