喺新冠肺炎疫情期間,好多公司或多或少都出現俾僱員在家工作(WFH)嘅情況。經歷過WFH之後,唔少國際大企業如Twitterfacebook等相繼宣佈允許員工WFH,本港企業9GAG亦撤出荃灣7000呎辦公室總部。WFH既可以幫老細節省租用辦公室嘅成本,亦慳咗員工來回公司嘅時間同交通費,WFH似乎變咗疫情後一個新嘅辦公模式趨勢,而本港嘅共享工作間亦係WFH嘅其中一個受惠者。

香港創科發展協會副會長湯浩然指,唔少從事軟件開發同IT系統整合嘅公司,正積極考慮將辦公室面積減半。除咗科技公司之外,後勤文職好似人力資源部,都有條件WFH。而自從視像會議形式可行之外,有啲公司亦考慮搬細單位以節省會議室空間,近月進駐共享工作間嘅傳統企業亦明顯增長。御一空間創辦人兼主席陳恩德稱,近日租用查詢比23月增加兩成三,相信共享工作間出租率有望再提高一兩成。

圖:iStock