當問到「無名共行」創辦人徐靜雯(Kris對未來發展有什麼期望嘅時候,佢好爽快咁回答:「希望不會需要無名共行」。顯而易見,喺徐靜雯眼中,能夠幫助無家者固然係好事,但最好嘅,就係呢個世界唔再有「無家者」,人人都有家可歸。

徐靜雯喺舊年1成立志願團體「無名共行」,雖然只有短短一年多,不過Kris早喺2014開始接觸無家者,因為佢曾經參與深水埗明哥派飯活動,發現弱勢社群需要幫助,就開始自發展開探訪工作

後來Kris發現單靠一兩個人去幫助弱勢社群,能力始終有限於是佢同兩名義工決定成立非牟利組織「無名共行」,佢解釋指:「這樣一方面能有利與機構合作,或增加轉介工作予無家者機會另一方面,可以令同機構認識團體內義工組織、理念等等,增加機構對義工信任,促進合作,希望可以幫助更多弱勢社群。

由於Kris有正職在身,只能利用公餘時間去探訪和幫助一眾無家者,而探訪行動一般會喺週末。佢憶述創立「無名共行」初期,過程並不輕鬆:「開始時沒有太多義工加入,由籌備物資到探訪都是34個人包辦,有時人手不足收集物資時,便會唔足夠物資去分享。」幸好,佢哋持之而,開始多人留意佢哋嘅探訪,令更多人參與探訪幫忙籌集物資。Kris仲話,現時每星期會有幾組探訪小隊負責同區探訪,而唔少有心人機構亦會捐贈日常生活物資。

喺幫助無家者嘅過程之中,Kris深深體會到,能夠幫助別人就是最快樂嘅事:「有一位無家者正等待僱主來電通知上班地點,不幸被人偷去手機,好有隨身帶著有心人捐贈手機,可以即時送俾佢,無家者收到電話後好開心,有手機後就同僱主聯絡,第二日上班

Kris仲表示,希望大家唔好戴「有色眼鏡」去睇佢哋:「好多人覺得佢哋唔去工作,只懂瞓。希望大眾了解真正無家者,佢哋並不是問題製造者,佢哋無可奈何,家家有本難念的經。」因此,Kris強調佢哋會以朋友嘅心態同佢哋相處:「好似朋友般經常去探訪佢哋,互相傾訴。」的確,要人家接受你,首先就不能抱住高高在上施予者嘅心態!

「無名共行」成立之後,香港剛好面對唔少挑戰,好多香港年輕人面對前路時往往感到迷茫,Kris希望大家要抱住正能量:「盡力而為,但不要計較結果。」呢一點,相信亦係「無名共行」嘅宗旨。

相片來源:FB@無名共行


徐靜雯喺舊年1月成立志願團體「無名共行」,希望可以幫助香港嘅弱勢群。


Kris早喺2014年參與深水埗明哥嘅派飯活動。


創立「無名共行」初期,沒有太多義工加入,幸好,佢哋持之而恒,開始多咗人留意佢哋嘅探訪,亦令更多人參與探訪同幫忙籌集物資。


Kris每逢週末,都會利用公餘時間去探訪和幫助一眾無家者。


Kris強調,要用一個朋友嘅心態與他們相處!


早前疫情期間,佢哋亦分派消毒劑給長者。