暴力幾時都解決唔到問題,而家庭暴力帶嚟嘅傷害同影響更加係一世嘅。宜家已經做咗媽媽嘅女網民喺FB群組「生仔要考牌系列」分享自身經歷話,自己細細個就俾親生阿媽當掃把星,日日被打鬧,搞到抑鬱最後離家出走。到女網民組織咗家庭之後,有時見到自己嘅小朋友唔乖就會諗起自己嘅經歷,甚至有把聲叫佢用媽媽嘅對付自己嘅方法嚟對付小朋友。好彩,後嚟有朋友建議佢見社工、睇精神科做心理輔導,先慢慢走出家暴陰影。

呢位網民自細就經常被佢媽媽家暴,媽媽心情唔好、網民成績差等都可以係家暴嘅理由,甚至無緣由咁,都會被媽媽鬧:「死八婆」、「讀咩書呀,去做雞喇」。終於,女網民忍受唔住精神、肉體嘅折磨離家出走,以為終於可以過返正常生活,但佢嘅心理陰影依然喺度。當佢嘅小朋友唔乖嘅時候,佢就會諗起曾經嘅自己,甚至有把聲叫佢去傷害自己嘅小朋友。幸好,網民最後聽咗朋友建議,見咗精神科醫生接受治療,情況慢慢好轉。佢嘅小朋友亦好乖,令網民可以逐漸走出童年陰影。

原文鏈結:https://www.facebook.com/parentlicenses/posts/559281364960307?__tn__=-R

圖:pixbay