大家仲記唔記得7年前,有一隻「黃鴨仔」泊咗喺維港,引起一股打卡熱潮呢?7年之後,呢隻黃鴨仔終於返嚟香港喇!不過今次就唔係泊喺維港俾人打卡影相,而係嚟到香港舉行網上慈善拍賣。

蘇富比將於6月9日早上10點開始網上慈善拍賣,至6月16日早上11點結束,估價為2.8萬元至4.8萬元。呢隻黃鴨仔係荷蘭藝術家Florentijn Hofman嘅經典作品,2013年《橡皮鴨游世界.香港站》亮相,今次拍賣所得嘅收益,將會全數捐俾東華三院推出嘅「東華三院.分享愛.疫境同行」失業及短期經濟援助計劃,支援因疫情失去工作或者收入大減,或確診但未領取綜援嘅低收入人士、家庭,提供緊急短期經濟支援。

原圖:文匯報