喺部分國家,新冠肺炎疫情開始緩和,社會陸續恢復正常,但都唔好掉以輕心。喺日本,中小學喺前日(1日)開始全面復課,福岡縣北九州市一間小學就有5名同班學生確診新冠肺炎,同市另外3間中小學亦有多5名學生確診。

市政府認為同班5名學生感染新冠肺炎,屬於校內群聚感染,但日本內閣官房長官菅義偉就表示,有關單位仍然調查感染途徑、感染來源,暫時未確定係咪發生群聚感染。

市政府當局就呼籲區內中小學要做好量度體溫工作,確保學童健康,家長如果發現學童體溫超過37度或者家中有人發燒或咳嗽,亦都唔好返學。如果到校先出現病徵,校方就應該讓呢啲學生離校或者喺校內暫停隔離。

原圖:新華社