最近嘅市道唔好,少咗好多空缺,連唔少公司內部都開始「縮水」,好多打工仔亦變得零舍珍惜自己份工,驚自己成為下一個失業人士。想保住份工、或者喺自己嘅事業上更進一步?不妨養成以下呢3個習慣,咁就自然去到邊都有好表現。

1.將手機調至靜音模式

現代人機不離手,手機傳出嘅通知、提示音好容易令人分散注意力,甚至影響自己或同事工作。所以,將手機靜音,有需要嗰陣先睇電話,就可以令自己先專注處理手頭嘅工作。

2.按計劃行事

成功嘅人都會有自己嘅一套計劃,一步步實行,盡量唔會俾其他不必要嘅事例如一啲突發聚會等打斷、妨礙自己嘅節奏。除非呢啲突發嘅事可以達到更好嘅效果,否則唔應該突然改變原有嘅計劃。

3.唔好盲目追求人地眼中嘅成功

唔少父母、長輩對年輕人都有好大期望,可能覺得做醫生、律師先算成功,但每個人嘅理想同長處都唔同,勉強、盲目咁滿足人哋眼中嘅成功只會令自己嘅事業浮浮沉沉或停滯不前。先了解自己擅長嘅範疇,再發揮所長先能夠追求自己嘅成功之路。

圖:達志影像