受新冠肺炎影響無得去旅行好悶?唔緊要,我哋可以網上去旅行!最近,澳洲維多利亞州旅遊局推出全新免費兒童電子書《Where In The World Is Melbourne?》用故事嘅形式帶大家遊墨爾本,一齊走訪著名嘅大街小巷同周邊具代表性嘅景點例如墨爾本板球場、十二門徒石等。

呢本電子書最特別嘅地方在於佢可以從頭睇到落尾,或者由尾睇返轉頭兩種唔同嘅順序閱讀。一個係以海外家庭視角出發,喺一場白日夢中開啟咗佢哋一家嘅冒險之旅。另一個就係以本地家庭視角出發,展開一程圍繞住墨爾本同維多利亞,充滿住文化、創意同自然體驗嘅旅程。維多利亞州旅遊局首席執行官Brendan McClements希望透過呢本書為小朋友將分散喺世界各地嘅親人朋友聯繫埋一齊。

想睇呢本書,只需要去以下網址,登記個名同電郵地址就可以免費下載~ https://www.visitmelbourne.com/whereintheworldismelbourne

圖:維多利亞州旅遊局