相信唔少女士都會俾另一半嘅鼻鼾聲嘈到瞓唔好,想知鼻鼾點形成,有無方法舒緩,繼續睇下文喇~

1.感冒導致鼻塞

當感冒或過敏時,鼻腔會出現發炎、水腫反應,令呼吸道變窄,妨礙空氣順暢進出引起鼻鼾。只要感冒好返,或者敏感舒緩,自然就無鼻鼾聲喇。

2.過重或肥胖

肥胖係打鼻鼾最常見嘅原因,因為頸部脂肪過多會縮細呼吸道,只要減肥或者控制返體重,打鼻鼾嘅情況就會好轉。

3.飲酒或食煙

有啲平時唔打鼻鼾嘅人,飲完酒就會鼾聲如雷,而煙入面嘅成分會刺激上呼吸道發炎,所以有吸煙飲酒嘅人,為咗枕邊人嘅睡眠質素都係時候要戒喇!

4.呼吸道構造異常

本身有過敏性鼻炎、扁桃腺肥大、舌頭大、下巴短等問題都會導致鼻鼾。

另外,患上睡眠窒息症嘅人亦會有嚴重鼻鼾,大家要留心喇~

圖:網上圖片