大家仲記唔記得自己3歲嘅時候喺度做緊咩?美國一個叫Jack Rico嘅神童,3歲已經記得美國歷屆總統同副總統嘅名,而13歲更加係4個副學士學位嘅持有人,仲要科科GPA都爆4,真係唔到你唔服!

Jack鐘意打機,望落同其他小朋友無咩唔同,但原來佢最近已經喺加州嘅富勒頓學院(Fullerton College)度畢業,成為該校創校107年來最後生嘅學生同畢業生。佢入讀富勒頓學院前一直都在家自學,但就只係用咗短短兩年時間就一次過讀咗歷史、人類表述、社會行為同社會科學4個副學士課程,認真前途無可限量。講起讀書嘅心得,Jack話純粹係出於鐘意學習、做好時間管理,同埋專心聽書:「我只是喜歡學習新事物,想對世界及我們可研究的範圍有更多了解。」

之後,Jack仲會繼續去大學讀歷史學位,不過佢就話未諗到大個之後想做咩:「我現在才13歲,仍在努力探索自己的興趣。」。

圖:IG @jackanjuliasmom