香港地少人多,唔想屋企堆滿雜物就要定期「斷捨離」清下唔用嘅物件。但原來,搵工都要「斷捨離」?最近,日本收納教主近藤麻理惠,同美國萊斯大學商學院教授Scott Sonenshein合作推出新書《Joy at work》,分享點樣將收納整理法嘅Spark Joy理論應用喺求職上,等打工仔可以搵到一份令自己怦然心動嘅工。

Spark Joy」(怦然心動)係近藤麻理惠提出嘅整理法,主張只留低令自己心動嘅嘢。應用喺求職上,就係要打工仔搵出真正令自己感到快樂嘅事情。近藤麻理惠建議求職者喺搵工之前,先想象理想職位係咩樣,「問自己甚麼工作、職銜最令你心動,你想要怎樣的工作環境,然後閉上眼晴,幻想早上到達辦公室的情境,並注意你的感受。」喺想象嘅過程中,記得留意自己嘅反應,咁樣唔單止有助了解自己,更可以成為一種動力,推動自己將幻想變成現實,就算喺求職過程中遇到挫折都可以堅持落去。

圖:IG@mariekondo