《哈利波特》作者J.K.羅琳又有新作出喇,仲可以俾大家免費上網睇添!佢嘅新作品《The Ickabog》,會由即日起到710為止喺網上連載,羅琳更公開徵求小畫家為故事嘅每個章節畫插圖添~

不過原來《The Ickabog》已經係羅琳10年前嘅作品,羅琳早喺寫《哈利波特》嗰陣已經寫落大部分初稿,諗住喺《哈利波特——死神的聖物》之後出版。後來因為種種原因,呢份初稿被塵封,最近因為新冠疫情關係,羅琳為咗等在家抗疫嘅小朋友解下悶,於是公開放上網俾大家免費睇。

The Ickabog》係以童話形式講述關於真實同濫用權力嘅故事,用字比較簡單,好適合親子閱讀。宜家網站已經上載咗頭5個章節嘅故事,羅琳之後會每周更新,同時羅琳亦向小朋友為小說徵插畫。不過,徵畫活動暫時只限英國同美國,其他國家或地區嘅徵集行動將會稍後公布。

想睇《The Ickabog》或者有興趣畫插畫嘅可以上https://www.theickabog.com/home/ 了解多啲~

圖:The Ickabog官網