紫菜好味又有營養,係唔少人嘅零食好選擇。但好食還好食,市面上嘅零食紫菜通常都加咗油、鹽、增味劑等,令紫菜變成高納高脂小食,大家想要吸收紫菜嘅營養,又想食得健康真係要小心選擇!

營養師Annie指,紫菜含豐富碘質,幫助維持甲狀腺功能,預防小朋友生大頸泡,更加係小朋友腦部發育、成長不可或缺嘅營養素。加上紫菜有豐富纖維同鐵質,適量食用有益身體健康。

不過,加工過嘅紫菜會流失原有嘅營養成分,變得多鈉多油,故此Annie建議每日最多食用一小包。就算係原味、少鹽少油嘅紫菜都唔好日日食,或者一次過食一大包,因為過量吸收碘質會導致甲狀腺功能失衡,結果得不償失。

圖:網上圖片