尋日介紹咗4種食完飯之後嘅壞習慣,今日就同大家介紹多4種壞習慣,等大家多啲留意。

五、排便。喺排便嘅時候,憋氣同肌肉出力嘅時候,會令胸腔內嘅壓力上升,導致心臟較難輸送血液,血壓下降,引發「努責現象」(Valsalva maneuver),平時胃部需要大量血液嚟進消化,亦會因而受到刺激,引致胃痛。另外個肚用力嘅時候,亦會增加胃部壓力,令食物無法由胃部送到小腸,建議盡量都係飯前先去排便。

六、坐喺度或者瞓覺。坐喺度嘅時候會令腹部脂肪同肉壓住胃部,令腸胃難以消化,建議飯後應該散步10分鐘,促進蠕動、幫助消化。

七、唱歌。原理同排便差唔多,因為唱歌嘅時候,胸腔用力,擠壓到胃部,亦令胃部血液減少,影響消化。

八、沖涼。食完飯之後,血液會集中去到腸胃幫助消化,但如果呢個時候去沖涼,就會令血液聚到皮膚,減少腸胃嘅血液,不利消化。建議食飯之後1個鐘可以好快咁沖個涼,但就唔好浸浴喇。

原圖:大公報