話咁快又到咗荔枝當造嘅日子喇,白滑晶瑩嘅荔枝肉又香又甜,食一粒又邊度夠喉喎!不過老人家成日話「一隻荔枝三把火」,食得多真係會爆瘡、皮膚痕,仲有機會引致「荔枝病」㗎!

註冊中醫師丁子承提到,荔枝有生津理氣、補脾益血功效,平性或虛寒體質可多食,但小朋友每日唔應該食超過5粒、大人唔超過10粒荔枝。食太多荔枝會引致暗瘡、皮膚瘙癢、牙齦腫脹、口腔潰瘍、咽喉腫痛、腹瀉、大汗、頭暈等問題。

另外荔枝含豐富果糖,當人空腹或血糖低嗰陣大量食用荔枝,會導致身體血糖水平突然飆升,刺激胰島素大量分泌,令肝臟喺短時間內將血糖轉化,導致血糖水平變低。呢個就係「荔枝病」,嚴重嘅更會出現抽搐、昏迷、甚至死亡,所以真係要適可而止!

圖:網上圖片