今年因為新冠肺炎疫情嘅關係,大大打擊本地就業市場,令今年嘅大專院校畢業生搵工難度大增。有見及此,新世界集團今年特意推出「新世界100虛擬實習計劃」,招募100名來自不同學科、不同年級嘅大專院校學生參加。

「新世界100虛擬實習計劃」有兩大特色,包括首創嘅「虛擬實習」,實習生喺呢段實習期裡面,大部分時間都係以網絡同視訊會議形式,提交及彙報工作,可以方便佢哋隨時隨地工作,更具彈性。另一特色就係新世界安排實習生體驗「創造共享價值」嘅項目,了解商界點樣同各持份者合作,為社會創造更美好價值。

其中一個「創造共享價值」項目就係新世界社區而設嘅口罩生產計劃,同唔同非牟利機構合作派發口罩,另外仲有一啲文化及藝術傳承活動、參觀房屋項目等等。新世界希望透過呢啲體驗活動,令實習生加深認識佢新世界嘅企業精神。

呢個實習計劃由即日起至6月7日接受申請,有興趣嘅參加者可以登入網址(https://hr.nwd.com.hk/internship/)填妥表格,並製作及上載一條不多於3分鐘「Craft Your CSV Journey」為主題嘅短片。

原圖:FB@New World Talent