平時唔少人喺惠康超級市場買嘢,都會用八達通儲日日賞$。最近八達通公司宣布,八達通日日賞計劃將會逐步終止。

由今年7月2日起唔會再接受網上或者八達通app嘅新會員登記,而現有會員仍然可以喺7月28日或之前,繼續喺惠康超級市場、Market Place by Jasons、 3hreesixty、 Jasons · Food & Living同Jasons Ichiba賺取日日賞$,以及喺8月31日或者前使用,大家真係要留意相關重要日期喇!

現時八達通日日賞計劃,會員可以喺指定店舖消費後,結賬嘅時候用已登記日日賞嘅八達通卡,拍落讀寫器賺取相當於消費總額最少0.5%嘅日日賞$,而累積返嚟嘅日日賞$可以當作同額港元,喺參與商戶使用。

原圖:人民網