經濟不景氣,唔好話派獎金,保得住份工已經偷笑。台灣連鎖健身中心「成吉思汗健身俱樂部」嘅創辦人兼網絡紅人陳之漢,喺疫市下依然照派獎金,仲要派足3個月,更贈送名車俾幾位老臣子,堪稱絕世好老闆!

陳之漢早前喺社交平台宣布:「防疫期間大家辛苦了,我決定本月開始連續三個月567月都發放獎金2000元(約港幣520蚊)」。派獎金不特止,陳之漢為答謝4個一齊打江山嘅元老級員工,更帶佢哋一齊去BMW門市揀車,每人分別獲贈價值港幣86萬至130萬不等嘅靚車。

一眾網民都好羨慕陳之漢嘅員工,紛紛表示:「有館長這樣的老闆真好,真希望我老闆可以學習怎愛護自己的員工」、「館長真是好的老闆」、「別人的老闆總不會讓人失望」等。

圖:FB@成吉思汗健身俱樂部 進化綜合格鬥中心