雖然話出嚟做嘢,已經好難再識到朋友,但總有一兩個比較夾嘅同事。不過,如果你發現同事都唔想同你做朋友,甚至懶得理你,咁你就要好好反思下自己有無做以下5件事,令同事疏遠你喇。

1. 經常反對同事嘅意見

同事辛辛苦苦諗咗一個Idea出來,結果一下子被你反對,對方就會覺得唔被尊重。經常反對同事意見,更加會打擊同事自尊心,令佢哋難受。

2. 拒絕幫助別人

同同事朝見口、晚見面,大家理應互相幫忙,例如順便買個外賣,甚至交一下文件之類,如果連呢啲小事你都成日拒人於千里,自然就無人肯同你接觸。

3. Office製造噪音

大家專心做嘢嗰陣梗唔希望被人打擾,尤其係宜家有好多公司都係Open Office,如果你成日大大聲講電話、大聲笑,又或者經常有啲小動作會發出噪音等,都會令人覺得煩擾。

想知仲有咩原因會令同事唔想接近你?一於留意我哋嘅下集喇!

圖:Shutterstock