由於新型冠狀肺炎全球肆虐,令唔少行業大受打擊,但亦因此誕生咗一啲新興行業,例如量體溫人員,最近美國更招募社交距離評分員、防疫評分員,究竟呢啲工作主要係做咩嘅呢?

呢類型新興職位主要係評比餐廳、酒店有無做足防疫措施,例如有無確實執行社交距離、員工有無配戴口罩同手套等,並為其評分防疫機制。亦有唔少公司針對防疫請新員工,例如專門請人喺返工、放工高峰時段為員工㩒lift,麥當勞請人專門幫客人斟嘢飲,以減少病毒擴散。

不過,亦有報道擔心,呢啲新興工作嘅人工如果唔及政府每個月600美金嘅失業補助,反而會令失業者唔想工作而呢類因疫情產生嘅職業,亦會有較高嘅感染風險。

圖:dok.jawapos.com