喺新冠肺炎疫情期間,大家都少咗出去,戲院一度因限聚令暫停營業,多咗人喺屋企用Netflix等串流平台煲劇、睇戲。最近主打紀錄片嘅串流平台MagellanTV,就招募熱愛犯罪紀錄片嘅人士,進行24小時測試,觀看16條紀錄片,題材包括失蹤、謀殺、酷刑、食人族、黑市交易等,期間亦要留意播放期間順唔順暢。參加者完成測試之後,可以獲得1000美元(約7800港元)、MagellanTV一年免費訂閱,以及3個月會籍俾3名親友使用。

參加者需要係年滿18歲及現居於美國,除此之外亦要鍾意研究犯罪細節,有興趣申請嘅話,就要以書面或視頻形式描述下自己點解適合呢份工作,同附上社交媒體連結。

原圖:MagellanTV