喺日本,新冠肺炎疫情近日開始緩和,多個縣解除緊急狀態,企業都陸續復工。日本經濟團體聯合會發表聲明,呼籲企業推行週休三日制(四天工作)、遙距工作、調整上班時間同輪班作業等措施,以紓緩公共交通工具壓力,減低通勤頻率,防止病毒散播。

由於有唔少日本公司都會喺6月下旬召開股東大會,日本經濟團體聯合會亦呼籲各企業要避免舉行大型集會,例如容許股東提前投票表決,毋須親自到場,另外亦要減少不必要嘅商務旅行,利用視訊嘅方式舉行會議、招聘面試等等。

原圖:新華社