新冠肺炎疫情喺全球多國持續,而新西蘭嘅疫情就由4月中開始緩和,現時有大約1500宗確診、21宗死亡個案。早前,總理阿德恩喺Facebook進行直播,期間呼籲僱主實行4天工作制,刺激本地旅遊業,亦幫助僱員保持工作同生活平衡。

阿德恩表示,佢聽到好多民眾建議4天工作制,但強調呢件事始終都要由僱主同僱員決定,佢話疫情期間見到好多僱員喺屋企工作嘅靈活性,工作效率提高,佢建議僱主考慮實行4天工作制,認為呢個做法對全國旅遊業會有幫助。

另外,新西蘭同澳洲已經達成共識,兩國合組「旅遊泡泡」(Travel Bubble),容許兩國民眾毋須檢疫,自由往來,日後會視乎疫情容許其他地區加入。

原圖:FB@Jacinda Ardern