出咗嚟社會做嘢,好多人都慨歎好難識到朋友,同事之間亦好難發展成朋友。不過,就算機會幾微都好,都唔係完全無可能。同事要進化成朋友,首先就要打好關係,避免喺成為朋友之前傾以下兩種話題。

1.私事

千祈唔好同同事分享你嘅私生活,唔係個個人都有興趣聽你同男/女朋友嘈交、你屋企人點煩住你等等私事,否則一個唔覺意會俾人覺得你度曬命,或者逼佢哋聽你嘅心事等壞印象。當然,亦都唔好去八卦人嘅私生活,更加唔好喺同事背後說壞話。

2.個人立場

你可以同同事分享自己個人生觀、價值觀、世界觀、生活諗法,但就要避免喺某啲議題例如政治立場等敏感話題高談闊論,批評對立場,更甚者要人buy你。一來大家意見唔同,咁做好容易引起爭坳。二來強逼人地成你嘅意見亦會導致雙方關係變僵。

圖:pexels.com