好快到畢業季,又係一眾畢業生出來搵工嘅旺季,今年受新冠肺炎影響,職業空缺比往年少,點樣先可以令自己喺一眾畢業生裏面突圍而出?HR教你幫自己加分,增加獲聘機會。

現職個人銀行及保險人事顧問總監嘅Joey Owen,有相關兼職同實習經驗畢業生會有優勢。對於無相關經驗嘅畢業生,Joey建議佢哋放低身段,唔好介懷份工係咪辛苦,盡量吸收經驗或者不妨主動向心儀嘅大企業自薦,要求到公司無薪實習,好好表現,爭取實習完結後正式加入公司。Joey話:「即使只能工作一至兩個月,都足以豐富你的履歷。」

如果成功獲邀參加面試,Joey就提醒畢業生「態度決定一切」,要把握機會向面試官分享你嘅職涯規劃,切忌講「趁後生乜都識吓,諗住嚟學嘢」之類嘅話,亦唔好急於爭取較高嘅起薪。畢業生應表現進取,主動了解招聘程序,表達你對工作熱誠。

圖:網上圖片