新冠肺炎疫情令唔少公司改變運作模式,容許員工在家工作,等員工唔使返office,減低受感染風險,最近有公司延續呢個措施,長遠改變工作模式。繼美國社交媒體公司Twitter之後,早前宣布容許員工疫情後選擇繼續在家工作,最近香港有趣圖片分享網站9GAG,亦都正式全面推行員工遙距在家工作措施,甚至已經同業主解除租約。

據報,9GAG去年中已經有遙距辦公嘅構想,只係一直都無實行嘅逼切性,直至今年農曆新年之後,因為疫情關係,容許員工一直在家工作,發現效果幾好,於是9GAG幾位合夥人徵詢同事意見之後,就決定全面實行遙距辦公。

9GAG喺2015年喺荃灣設立呢個面績達7000呎嘅總部,花費200萬裝修,裡面仲放咗一張乒乓波枱,成為一時佳話。

原圖:archdaily