新冠肺炎疫情稍為緩和,唔少酒店都重開自助餐仲推出優惠吸引市民消費。最近尖沙咀朗廷酒店更推出自助午餐買一送一優惠,任嘆時令生蠔、龍蝦、即叫即蒸蒜蓉粉絲扇貝及大蝦、即叫即炒螃蟹或龍蝦、香煎鴨肝等,諗起都流口水!

朗廷酒店嘅The Food Gallery推出「嚐鮮之旅盛宴」,喺星期一至三推出自助午餐買一送一優惠,原價成人每位368蚊,宜家連加一都只係202蚊一位,好抵呀!至於其他時段嘅午市同晚市自助餐,都有7折優惠。不過,大家記得要喺網站預訂先可享有優惠呀,同埋只限成人有呢個優惠咋。

圖:朗廷酒店