自新冠肺炎全球爆發以來,唔少人嘅生計大受影響,好多人被減薪,甚至失業,全世界一片愁雲慘霧。根據美國非營利組織The Kaiser Family Foundation四月發表嘅《新冠肺炎對心理健康和物質使用的影響》調查指出,失業、缺乏收入保障者,同憂鬱、焦慮有高度關聯。而且隨住失業率上升同經濟衰退,自殺人數可能會上升,所以適當咁調整自己嘅心態相當重要。

呢個調查研究顯示,喺充滿不確定性、恐懼嘅時期,人類可能會導致新嘅心理健康危機、濫藥等問題。專家建議,喺疫情期間雖然要保持適當嘅社交距離,但唔係心理距離,透過社交或通訊軟件同親友保持聯絡同問候,可以降低孤獨感。此外,若正面臨工作減少或失業嘅情況,可以視呢段期間係休養生息期,同時趁機運用網上資源,學習自己有興趣嘅技能例如剪片、烹飪、畫畫、樂器等,既增長自己嘅知識,為將來做準備,又可以幫助自己維持良好嘅心理狀態。

圖:123RF