近排戴得口罩多,經常可以聞到自己嘅口氣,咁大家有無發覺自己有口臭問題?如果發現自己口臭問題嚴重到刷牙、漱口等方法都解決唔到,咁就要小心喇,因為呢個好有可能係口腔癌嘅先兆!

台灣亞洲大學附屬醫院耳鼻喉部部長田輝勣指,口臭嘅原因有好多,除咗牙周病、肝腎疾病、腸胃道、呼吸道疾病外,口腔癌亦為口臭嘅原因之一,如果患者未能及時發現就醫,恐怕會有致命風險。

雖然醫學界至今仲未確定口腔癌嘅成因,但本港衞生署資料顯示,長期食煙、經常過度食/飲太熱嘅嘢、配戴唔合適嘅假牙托、受病毒或細菌感染,或者內分泌、免疫系統出現問題都有可能導致口腔腫瘤。

圖:shutterstock