尋日就教大家返工第一日,點樣同同事展開新話題,等大家以後合作、相處無咁尷尬,今日就講埋另外2個話題,助大家打破同事隔膜喇~

3. 觀察對方喜好,尋找共同話題

同同事打開話題之後,你可以觀察吓同事嘅辦公檯、衣着等推測對方嘅喜好,然後問對方:「你鐘意XXX?」或者「咦,你都鐘意XXX?」如果真係咁啱開正對方嗰,對方自然願意同你分享多啲,咁下次再傾偈就無咁尷尬喇,話唔埋好快可以變fd添。

4. 近排熱門話題

如果你同同事之間真係無咩共同興趣、話題,咁就可以試吓由近期嘅熱門話題入手,例如討論吓呢排熱播嘅劇集、娛樂新聞、口罩資訊等。如果係時事新聞嘅話就要先知道對方立場,先決定係咪討論落去,否則好有可能第一日返工就同同事不歡而散,以後相處就更尷尬喇。

無論係咩話題都好,大家記住記住首先態度要有禮貌、客氣啲,費事一個唔覺意得罪咗同事,以後返工嘅日子就難捱喇。

圖:網上圖片