繼早前有公司出post請《動物森友會》打機專員之後,宜家又有公司請人玩《動森》喇!

美味棧日前喺Facebook專業宣布,開價2萬蚊起請「美味棧動森遊戲專員」,職責係需要喺31日內為該品牌建立專屬島嶼,重點係可以在家工作呀!如果你自問有創意、有藝術技巧兼有100小時或以上嘅動森遊戲時數,就可以電郵報名申請。

另外,英國家居設計公司Olivia's近日亦喺官方網站度招募虛擬室內設計師,協助裝飾玩家遊戲入面嘅屋企、評估玩家適合邊種家居風格、甚至會幫玩家睇風水等。虛擬室內設計師可以自行決定時薪,最高可達40英鎊(約383港幣)添~

圖:nintendo