隨住香港疫情放緩,早排暫停營業嘅戲院重開,大家又可以多個地方鬆一鬆。受疫情影響,好多荷里活大片都要延後上映,不過,無新片我哋可以睇返睇精彩舊片回味一番。UA Cinema宣布由今日(14號)起,蜘蛛俠系列電影《蜘蛛俠:強勢回歸》(Spider-Man: Homecoming)同《蜘蛛俠:決戰千里》(Spider-Man: Far From Home)將重返IMAX大銀幕,等粉絲重溫。至於價錢方面亦相當吸引,夜晚8:15嘅飛只售105蚊,如果喺UA Megabox睇嘅話,票價更低至85蚊!

另外,UA Cinema亦推出會員優惠,其中「Hi 5!會員限定優惠套票」售價200蚊,已經有4UA院綫戲票換領券同1張贈券,換領券同贈券由聽日(15號)起開始用,可以用到年尾添~不過,套票優惠就只限星期一至五放映時間為下午1點半至5點半嘅指定場次。

圖:立基集團