一講起農夫呢個職業,大家可能諗起到好辛苦、日曬雨淋,或者諗到一片農地。最近香港青年協會嘅有機農莊同水耕農莊都請緊農務員,有興趣做農夫嘅年輕人不妨可以試下!

根據青協嘅招聘網頁,農務員嘅工作除咗包括一般耕種工作,即係農作物培植、灌溉、蟲害及污染檢查、收割等,仲要做埋農作物包裝及出貨管理,同埋場地管理。農作物包裝及出貨管理,即係根據訂單收割農作物,執行包裝、品質管理、出貨工序、協助聯絡及日常出貨紀錄等工作。至於場地管理,農務員需要定期清洗種植場地同相關設備,保持整潔衛生,同埋協助檢查場地設施狀況等工作。

兩份工作嘅截止申請日期係今個月31日,有興趣嘅話可以去青協嘅招聘網站(https://erecruit.hkfyg.org.hk/)了解同申請。

原圖:FB@青協有機農莊