宜家時勢搵工難咗,一旦有面試機會梗係要好好把握。通常面試完結前,面試官都會問你有無問題想問,唔少求職者對呢個環節都會鬆懈,會答無或者問一啲已經有答案嘅問題。咁樣一來,無論面試過程中你應對得幾完美都好,都有機會衰收尾,破壞呢次機會!

咁究竟要問咩至好?求職訓練顧問Cheryl Palmer就有7個建議問題俾大家參考,等大家完美KO面試官!

1. 你最鐘意幫呢間公司做嘢嘅原因

被問到呢條問題,面試官通常會同你講自己最欣賞呢間公司嘅嘢,例如員工福利、公司政策等,咁你就可以了解多啲呢間公司嘅內部,仲可以知自己同面試官係咪志趣相投添~

2. 呢個職位經歷過乜嘢轉變?

除咗對申請緊嘅職位多啲認識之餘,對方嘅回應亦可令你知道呢份工有無前途、發展空間。

3. 我要點樣同上司合作,可唔可以舉幾個例子?

透過對方嘅回應,你大概可以知道公司會點樣運用員工,你又會唔會有發揮空間。

想知道仲有邊4條問題,等我哋下回分解喇~

圖:網上圖片