繼許冠傑、郭富城網上直播開show之後,尋晚(11號)一眾歌手包括劉德華、梁詠琪、莫文蔚、周杰倫、林俊傑、孫燕姿、張韶涵、梁靜茹等歌手輪流喺網上獻唱,向前線醫護人員致敬,可謂星光熠熠。

尋晚7點半,一眾中、港、台、星、馬等地歌手喺「致敬白衣天使公益雲演唱會」上輪流獻唱,呢個演唱會喺內地多個網站直播,主要係向咁多位喺抗疫期間企喺前線同新冠肺炎作戰嘅醫護人員致敬。受疫情影響,好多歌手嘅演唱會都要被逼延遲或者取消,而劉德華原本今年2月喺紅館補辦嘅演唱會亦因此取消。事隔幾個月,華仔終於再喺樂迷面前開咪,獻唱《月亮代表我的心》、《愛你一萬年》、《我們都知道》,歌迷們耳仔有福喇!

圖:微博@公益雲演唱會