新冠肺炎全球肆虐,疫症無情但人間有愛,南韓有個小朋友拎住自己畫嘅畫同口罩自己一個闖入警局話要捐嘢畫面有愛瞬間融化咗警察們嘅心~

南韓警察廳早前上傳咗一段由警局閉路電視影低嘅短片,有個小朋友突然大力推開警局大門,同警察叔叔講:「叔叔!我想要捐東西!」之後將自己帶來嘅一包全新口罩同圖畫紙交俾警察。畫紙上畫咗一架警車,仲有啲打氣說話,小朋友話:「我特地畫了警車,希望警察叔叔不要感染肺炎,一定要加油喔!」當場融化咗全場警察嘅心,警察問小朋友點解要捐口罩嘅時候,小朋友驕傲咁話:「因為施比受更有福!我的姐姐去了消防局,而我則是來警局。」小朋友更再三叮囑警察要幫佢將口罩轉交俾生活有困難嘅人,警察見到小朋友小小年紀就咁勇敢、善良,亦當場拎出小禮物送俾佢。

FB@경찰청(폴인러브)