新冠肺炎疫情大大提升我哋嘅衞生意識,時常洗手、用酒精搓手液搓手,確保雙手清潔,又定期清潔屋企等等,甚至有人連貨品都要消毒下先敢掂。喺外國,一名叫Evie Lancaster嘅女網友早前喺Twitter貼圖分享佢屋企嘅情況,佢就話佢媽媽早前收到Tesco超市嘅送貨,竟然幫啲貨物「沖涼」,引嚟唔少網民嘅討論。

圖中所見,有唔同種類嘅大袋蔬果,包括椰菜花、蕃茄、蘋果等等,以及凍肉同乳酪等雪藏類食物,都被放到浴缸用番梘水浸住,只有一杯雪糕能夠幸免,被放到浴缸旁邊。有網友就講笑咁話,如果係用熱水浸嘅話,好快就煮成一缸熱湯,亦又網友分享媽媽用燙斗消毒銀紙嘅相片,夠晒謹慎!

原圖:Twitter@EvieLancaster