尋日嘅母親節,大家點過呢?有無諗過同媽媽喺同一個地方返工、做同一份工呢?加拿大一對救護員母女Angie AttwoodKendall Miller,就同為皮爾區輔助醫療服務隊嘅救護人員,佢哋無論喺屋企定工作場所都經常見面,有講唔完嘅話題,非常親近。

媽媽Angie話,佢同女兒Kendall經常有合作機會,唔單止有時一齊當值,更曾經喺同一架救護車並肩工作過。不過原來Kendall起初並唔想做媽媽嘅工作,佢甚至唔知媽媽嘅工作係點,但佢明白到媽媽嘅工作係一件值得驕傲嘅事。Angie亦一直有預感,仔女中會有人投身醫護或其他「助人的職業」,佢話:「我對女兒願意投身這行感到興奮,但同時也很擔心,因為這份工作不容易。」而喺新冠肺炎肆虐下,二人嘅工作面對更大嘅挑戰,令本身壓力已經好大嘅工作更添壓力。

今年嘅母親節,兩母女因為母親節翌日要返工,所以無喺當日慶祝,Kendall打算之後搵個時間請媽媽食餐晚飯,喺工作以外同佢共度一段美好時光。

圖:CTV